काठमाडौं :- चालु आर्थिक वर्ष २०८२/८३ को पहिलो ११ महिनामा नेपालको कुल वैदेशिक व्यापार १४.७८ प्रतिशतले वृद्धि भई २१ खर्ब ७२ अर्ब ६ करोड ६१ लाख रुपैयाँ पुगेको छ।
भन्सार विभागको तथ्यांकअनुसार साउनदेखि जेठ मसान्तसम्म आयात १५.१६ प्रतिशतले बढेर १८ खर्ब ९४ अर्ब ९ करोड ८८ लाख रुपैयाँ पुगेको छ। अघिल्लो आर्थिक वर्षको सोही अवधिमा आयात १६ खर्ब ४४ अर्ब ७९ करोड ७५ लाख रुपैयाँ रहेको थियो।
त्यस्तै, निर्यात १२.२८ प्रतिशतले वृद्धि भई दुई खर्ब ७७ अर्ब ९६ करोड ७२ लाख रुपैयाँ पुगेको छ। गत आर्थिक वर्षको सोही अवधिमा निर्यात दुई खर्ब ४७ अर्ब ५७ करोड २ लाख रुपैयाँ रहेको थियो।
आयातको तुलनामा निर्यात वृद्धि कम हुँदा व्यापार घाटा पनि बढेको छ। ११ महिनामा व्यापार घाटा १५.६७ प्रतिशतले वृद्धि भई १६ खर्ब १६ अर्ब १३ करोड १६ लाख रुपैयाँ पुगेको छ। अघिल्लो वर्ष सोही अवधिमा व्यापार घाटा १३ खर्ब ९७ अर्ब २२ करोड ७३ लाख रुपैयाँ थियो।
विभागका अनुसार आयात–निर्यात अनुपात ६.६४ बाट बढेर ६.८१ पुगेको छ। साथै, कुल वैदेशिक व्यापारमा निर्यातको हिस्सा १३.०८ प्रतिशतबाट घटेर १२.८० प्रतिशतमा झरेको छ, जसले आयातको तुलनामा निर्यातको योगदान अझ कमजोर बनेको संकेत गर्दछ।
तपाईको प्रतिक्रिया
सम्बन्धित खवर
